كلام الغيوان

الشمس الطالع





واه يا ديك الشمس الطالعة إلى شفتي مَامّا حَنـَّـــــــــــا

واگول ليها راه وليدك دموعه ضَارْعـَـهْ
واه يا ديك الگافلة الغاديــة إلى شفتي مَامَّا حَنـَّــــــــــــا
واگول ليها راه وليدك ما قبلاته زاوية
ارعاو يا خيل خوتي بسبعة ارعاو النوار وبْـلـْعـْمـَـــــانْ
ارعــــاو البَهْمَــــة وعـُـودْ الرِّيحـَـــان
وگــــولْ عْلِيـَّــــا گـــــــــولْ الخـــاوا تلــــف الگــــــــول
وَاوْ حْيـّْــدْ عليـــه مــا بقـــات نيـــــــة
آيـَّـــــايْ يـَـــــايْ يـَـــــايْ يـَـــــايْ
ركبــــوا علــــى لكــــــــلام گالــــوا نزيــــدو الگـــــدام
الســــــــاعـــــة غيـــــر شويـــــــــــة
آيــــــاي يــــــاي يــــــاي يــــــاي
گولو لحبابي غير صبــــرو لفــــــراق جابـــو ربـــــــي
واو حيــــد عليـــه ما بقــــات نيــــــة
آيــــــاي يــــــاي يــــــاي يــــــاي
گولو لحـبابــــي رجعــــــوا نديروا گلسة وتكـــــــــــون
أصلــــــــــــــــها شَاوْرِيـَّـــــــــــــة
آيــــــاي يــــــاي يــــــاي يــــــاي
رجعوا جميع ونعرفــــــــوا أصل الدنيا ومنين يكـــــون
وُنْغـْنْمــُــــــــــــوا لَمِْزيـَّــــــــــــــــــة
آيــــــاي يــــــاي يــــــاي يــــــاي









گـــــول ليهــــــا الغابـــــــة قـِيلْنِي من الواد ولبحــــــــر

فْ الصِّيــــــفْ مْعْفِيـَّــــــــة كِتـْدِيِري ف أيام الصـَّـــــــرْ

آيــــــاي يــــــاي يــــــاي يــــــاي
و الله الله الله و الله الله الله
والله حصــــادة دراســـــــة هــــم النـــاس خماســــــــة
خَمَّاســَــــــــة بِالخُبـْـــــزَة طالب معاشه ما لگـــــــــاه
عْزْ لْبـُــــوسْ حْيَاتــِــــــــي عــْــزْ لْبَاسْهُمْ الخَنْشَــــــــة
عْزْ لْسْكَانْ الشَّامْخـَـــــــاتْ عـْـــزْ سْكَانْهُمْ مَخْشَيْشَـــــة
يــا مــن تســـول عليــــــــا بـــاغـــا منـــــك ِريحِيـَّـــــة
كِيــفْ حَرْكـَاتْ السَّرْبـَــــــة بْ لْبْغـَالْ وُمْكَاحْلْ الكَحـْلـَــة
وَا ارْگــــــــــــــــــابْ آوَا
وارگــب الــــلي غـــــــادي عـيــــــط الله تصيـــــب الله
گالــت ليكــم كلنــا ليكــــــم گالت ليكم بنت الغيــــــوان
لله يـَــا تـْــلْ الـزَّعـْـتـَــــــــرْ واش من والى يتوالـــــــى
غير ضربو ولا هربـــــــــو اللي تهرس هـا لكــــرارس
اللي بغا الجنة يتدنــــــــــى اللي بغا ولاده يَتْسَوْخـَــــــرْ
اللــي تعمــى يبقــى تمــــــا علاش حرگتو لمعيزيـــــــة
گـــــرگــــر يــــا لحمــــــام ونوح ف أيام النــــــــــــار
كــل قبيلــة شَــادَّا عْتْبـَـار
عامــك يــا عــام الجــــوع راه قبيلة وزعوا جربـــوع
عامــك يــا ميـــريكـــــــان كان موسم ولى گطـــــران.

آش جـــرى لــيــك ؟




شاط الخيرى
ضرگتوه ما شفناه
تعبنا فيه . . . الواد داه
فِينْ وُلِينْ دَّاه ؟
بْحْتْ بالسَّرْ و بُبِهْ غـْنـِيتْ
ولا من حد گال آه
مليت من العيشة وما عييت
والطماع ف الدنيا لا بد مْنْ عْرَاهْ
الدنيا مخوضة لعيون . . . صفيناها
الدنيا منكدة لعقول . . . ارْوِينَاهْا
ولَوْ كَانْ مُوكَة تْرْجْعْ طْبِيبْ
حتى الضّـْبْعْ يَرْجَعْ حَجَّامْ
واش جرى لـيــك أنـــــت واش جرى لـيــك أنـــــت
الناس غادية وتسالـــــي هَمْهَا فْ المــال عـْـبَـــادَة
تبدل حالهــــا أَيْ لاَ لـِــي صبرو ما اعطاو إفـــــادة
بدا الشــــر يـْـشـَــالـِــي ف الزمـــان شــهــــادة
الرشاوي وضغط المـــال دارت ف الـــذات زْنـَــادَة
ومن الحيرة لا تســـــــال الدل لــلــذات ف عـْـنـَادَة
الروح طلبات لَـفـْصـَـــالْ ف الزمــــــان شــهــــادة
بنــادم عــقــلــه خـالــــي صندوق خاوي ف جْبَادَة
معذب ف لحياة ومالــــي مْضْـرُوبْ بيدِينْ السَّـــادَة
ناكس مظلوم بـحـالــــــي هز بيديــــه الـشـــهــــادة
يكفاك يا راجل ب لكبـــال هـديــت روحــي بالعـــادة
خليني نشوف لــجــبـــال ف الواد الصافي بعبـــادة
اللون لبيض ولـحــــــلال ف الزمــــــان شــهــــادة
العـــربــي يـــا العــربــي العربي وُعَلَى مْحَايْــنـُـــهْ
وَايْلـِــي شْغْلْكْ فَايْنـُـــهْ
وايلـــي حقك فاينــــه
وانــــت دمك خاينـــه
حتـــــى ولفك لايحـــه

آهَــا فـِيــنْ



إلَى أنَا هـَـايـْــمْ طـــول أيــــامــــــي
راه مواجك العالية بدات تـــتــلاوح
إلى أنــا شــارب كــاس سقـــامـــي
هاني ب لهموم وعــايــش مــعـارك
آرا عذابك لا يــهــمــك تـَذْمـَــامـِــي
ب رْيُوسْ لْحْزَانْ موالــف نْـتْـنَاطْحْ
زمــان الذل صــيـــاد لــلـــرامـــــي
جبال التيهان راه عقلي مـــتـــدارك
كلام الشيطان رديتيه كــــــلامـــــي
كلام الشيطان غـَــطـِّـتِيــهْ بْ إِزَارَكْ
غرك جهدك وحرگتي عـــــلامـــــي
علام السلام في أرضي يــــتــلاوح
بسلاسل الجهل هدمتني ارسامــــي
بنسور الظلم راك غرزتي مسمارك
عذاب خوتي مْكْحّْلْ ســـحــــابـــــي
يكفاك يا بنادم ما درتي لـصـــــلاح
يمين وشمال سباب لْـــجـَــــامِــــي
أنا الإنسان وما غرضي فْ هْـــلاَك
أها فين يمكن نلگى مرادي
أها فين يمكن نلگى اللي بغيت
أها فين يمكن نلگى ما ناوي
أها فين يمكن نلگى نواجه لقساوة

الْــقـَـسـَـمْ



عتقوها أمي فلسطين لا تدوزوها دركوها جنة الخلد لا تفوتــوهـ
حبوها كيف الحياة كاملة جعلوها
يا جنة مَا نْبَالِي . . . يوم المَلْگى لا بد ِيبَانْ
كل قطرة من دمنا تفور ف حق الإنســـــان
فيهـا الهـدف تبلغ ثورة يرجع الـشـَّــــــــانْ
قسمــــا مــــا يفــــوز صْهَايـْـــنْ كَهـَّــــــانْ
ولا مَجُوسْ ولا مَبْيُوعْ فْ كُلْ مْكـَـــانْ
يَا حَيْفَا يَا فَا... طول الغربة وطول العدوان
يا سبتــة ومليليــة . . . لمدن المسجـونــة

عــلام الـقـبـيـلـة



عـَــلاَّمْ لـقـبـيـلــة خـَــــرَّفْ احْــرَنْ عـَـوْدُهْ وتْـلَــفْ
حْـلَـفْ حَـلْـفَـة مـَا يْـخـَلَّــفْ ضَاعت عليه التْبُورِيدَة
غـيـر الـبـارح كـان عـَــلاَّمْ فُوقْ عَوْدُهْ شَادْ اللجـَامْ
خطوة اللُّورْ وخَطْوَة القدام كَانْ كل شي بالقــاعـدة
كَانَتْ السَّرْبَة فْ يده حرير مـا هـي كـِ دْيـَالْ الغِـيـر
كـُـلْــهَــا خـِـيــرْ وُخـْمِـيـــرْ سْـنَـاحَـاتـُــه تـَجـْرِيـــدَة
واليوم مال علامنا يطيــح حـصـادنــا داه الــريــح
هـو الـلـي كـان صـحـيــح وكانـت عـليـه التعميـدة
ومــال عـلامـنــا يـغـيـــب وحنا ف زمان صعـيــب
وَسَط اللهيب والتشلهيـب وحالـتـنـــا تـمـرمـيـــدة

الانــتــفــاظــة



دومي يا الانتفاظة دومي
بحجارك دومي
بصغارك دومي
ضد جيوش الاحتلال
الشهادة بالله غيرك ما يكون مَنْظُومِي
ف ليلي ويومي
سمايا وغيومي
حجرة وطفل بيهم هجومي
ضد الاستعمار . . .
ف كل انتظار . . .
ضد جيوش الاحتلال
علامي يرفرف
مزوق بلوني
مبعد حزوني
من الفرح منعوني
بين السما والأرض
طيري وحومي
ضد أصحاب الفيل
بحجارة من سجيل
أرميهم يا طيور الأبابيل
شعب الطفولة . . .
عل القدس منغومي
هنايا وهمومي
دومي دومي يا انتفاضة دومي

عَــلِّــي وُخَــلِّــي


تَـبْـنِــي وُتْـخـَلـِّــي تـمـشــي وتـخـلـــــي
عـقـلـك مـْـدْنـِّــــي يـا خـايــب الـهــَالَــة
تـبـنـي الـحـيـطـان تـشــرب الـكـيســـان
تـسـكـن فْ الفيـلا وغـيـرك فْ نْــوَالَـــة
تـحـگـر الـفـقـيـــر وتگول الـتـَّغْـيـِيــــــرْ
وُأنــتَ شْـفِـيـفِـيــرْ مَا تْسْوَاشْ نْـعَــالَــة
تـْـــزْوَّرْ لـْــــوْرَاقْ وُتْشْهْــدْ بالـنـفـــــاق
تــــســــــئ الأداب وتـتـكـلـم ب جهـالـة
أصـلــك بـخـيـــــل وشــانــــك نْـعـِـيــــلْ
عـَــيْشَـكْ قْــلِـيـــلْ يَا عْصِـيدْ النخـالــــة
مــالــك آوا مـالـك آش طرى وجرى لك
ظنيتي راسك خالد وانـــت لــلــزوالـــة
مــادامـت لْ عـَــادْ ولا ورثــهــا شـَـدَّادْ
أخـــرها لــقــبــــر وُحـَـــرّْ السُّــوَّالّــــة

الــجـَـمْــرَة



الله يا الله يا لله مولانــــــــــــــا سيدي يا مولانا تشوف من حال
عم الفساد يا الــعــــبــــــاد الناس خوتنا فضحونــــــــــــا
ب الجمــــــــر الوگـــــــــاد وسط صدورنا وَشْمُونـَـــــــــا
تْلاَوْحـُـــو عـَــلْ النْقَايْــصْ بْ الرْزَزْ فَ عْرُوضْنَا عَبْرُونَا
تجاملــو بالفَـلْــسْ الفانـِـي ولات نفوسنــــــا مغبونـــــــة
تغناو ب لقهر ولفقايــــص وَضْحَاتْ عْقُولْهُمْ مَجْنُونـَــــة
تغناو ب لقهر ولفقايــــص وضحات عقولهم مجنونـــــة
قسات گلوبهم يا لخـــــوان كنـــا فْ الراحة نْغْصُونـَــــــا
يـا بنادم بحق الضْيَافـَـــــة خـــــــــــــــودونــــــــــــــــــا
دْخِيلِي بْ شْرُوطْ الترحاب خوفي عليكم فهمونـــــــــــــ

الله يا مولانا




الله يــــــا مولانـــــا حالي ما يخفاك يا الواحد ربــــي
سبحان الحي الباقي سبحانك يا إله جود اعلـــــــــــي
بك عمرت السواقي ونحلتي في نواورك مرعيـــــــة
ولا تجعاني شاقـــي حرمة ودخيل ليك بالصوفيـــــــة
النبي يا جيرانـــــي لو صبت الزاد من غدا نمشي له
نشاهد نور عيانــي ونطوف بالكعبة نزورها ونلبــي
يــــا زوار النبـــــي لله ديونـــــي نـــــزور معاكـــــــم
آمــــولاي محمــــد آداوينا يـــا بو عمامــة خضـــرة
الناس زارت محمـــــــــد وانــــا سكـــن لـــي فـــي گلبـــي
الله الله الله
الناس زارتوا بالمركوب وأنـــا نمشـــي له على رجلـــــي
الله الله الله
جيــت زايــــــر ومعبــــد ألسيــــــد الرســــــول العربـــــي
الله الله الله
سال الملايك سال الروح ســـــــال حمـــــــــال العـــــرش
الله الله الله
ســـال حفاظــة اللــــوح قلبـــــي مولــــــع بالقرشــــــي
الله الله الله
من لايمني ف هاذ الحالة أنبيــــع لــــه يشــــري منـــــي
الله الله الله
أنبيع له بيع المحتـــــاج وإلـــــى جـــــــرب يعذرنــــــي

عَــلـُّـولَــة




انْسَا واطْفَالْ
شيوخ وشباب صبحت مقتولة
ارواح لعباد
ب شواقر لغدر مسلولة
والدنيا حايرة مذهولة
عَلُّولَة هَادْ الدّْبَايْحْ لاشْ
وعلاش يا اهل لعقولة
عَلُّولَة نَطْلَبْ الرَّحْمَة لِيكْ . . .
ولذاك وذاك . . .
وكل شهيد نفسه مغبونة
علولة فاقدني . . . ونصيح معاك :
يا المولى لا هادي غيرك يهدي قلوب معلولة
طال لغدر وطال آعَلُّولَة
ديما الغيوان مع لقلوب المغبونة